BQO-da koronavırýs juqtyrǵan 6 adamnyń bári de – medıtsına qyzmetkerleri
ORAL. QazAqparat – Batys Qazaqstan oblysynda tirkelgen sońǵy alty naýqastyń bári de – medıtsına qyzmetkerleri, dep habarlaıdy QazAqparat tilshisi.
BQO ákimdiginen túsken málimetke qaraǵanda, olar koronavırýsty juqtyrý qaýpi joǵary medıtsına qyzmetkerlerin tekserý kezinde anyqtaldy. Zertteý qorytyndysymen COVID-19 dıagnozy naqtylanǵannan keıin barlyǵy da oblystyq juqpaly aýrýlar aýrýhanasyna jatqyzyldy.
Naýqastarmen qarym-qatynasta bolǵandar medıtsınalyq baqylaýǵa alyndy. Aýrý oshaqtarynda dezınfektsııalyq jumystar júrgizildi. Óńirde indetke qarsy sharalar jalǵasýda.
Osylaısha BQO-da syrqattanǵandar sany 152-ge jetip, sonyń 9-y jazylyp shyqty. Aýyrǵandardyń basym kópshiligi - Reseıden kelgender. 28-i - medıtsına qyzmetkeri.
Eske sala keteıik, budan buryn BQO-da taǵy 6 medıtsına qyzmetkerinen koronavırýs anyqtalǵanyn jazǵan bolatynbyz.
