BQO-da koronavırýs juqtyrǵan 27 naýqas jansaqtaý bóliminde jatyr
ORAL. QazAqparat – Batys Qazaqstan oblysynda koronavırýs juqtyrǵan 27 naýqas jansaqtaý bóliminde jatyr, dep habarlaıdy QazAqparat tilshisi.
BQO densaýlyq saqtaý basqarmasy basshysynyń mindetin atqarýshy Arman Qalıbekovtiń óńirlik kommýnıkatsııalar qyzmeti alańynda málim etkenindeı, solardyń basym kópshiliginde, ıaǵnı 25-inde sozylmaly derti bar.
Atap aıtqanda, 19-y júrek-qan tamyrlary aýrýlary, altaýy qant dıabetine shaldyqqan.
Naýqastardyń tórteýi – 50-60, 17-si – 60-80 jas aralyǵyndaǵylar, altaýy – seksennen asqandar.
Arman Talǵatulynyń sózine qaraǵanda, osy kezge deıin 22238 adam tirkelse, sonyń 78,2 paıyzy (17411) jazylyp shyqty. 330 adam ómirden ótti.
Bıyl jyl basynan beri 162, sonyń ishinde qańtarda – 28, aqpanda – 15, naýryzda – 30, sáýirde – 42, mamyrda 47 naýqas kóz jumdy. Bulardyń 86-sy – áıel, 76-sy – er adamdar. 92 paıyzynda (148) sozylmaly dertteri (64,1 paıyzy júrek-qan tamyrlary aýrýlary, 18,1 paıyzy qant dıabeti, 17,8 paıyzy basqa syrqatqa shaldyqqan) bolǵan.
«Qazirgi tańda 1123 tósektik 18 ınfektsııalyq statsıonarda 393 adam emdelýde. 195 tósektik 4 karantındik statsıonarda 11 naýqas jatyr. Sondyqtan indetti órshitpeý úshin turǵyndarǵa saqtyq sharalardy umytpaý kerektigin eske salamyz», dedi A.Qalıbekov.
Oblys boıynsha kúni búginge deıin 67299 adam vaktsınanyń birinshi, 30512-si ekinshi komponentimen egildi.
Eske sala keteıik, budan buryn Batys Qazaqstanda karantın talabyn buzǵandarǵa 1 mln teńge aıyppul salynǵanyn jazǵan bolatynbyz.
