BQO-da koronavırýs juqtyrǵan 2415 naýqas ambýlatorlyq em qabyldap jatyr
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda málim etkenindeı, olardyń 66,8 paıyzynyń aýrýy jeńil ótýde. 13,6 paıyzynyń jaǵdaıy ortasha aýyr. 19,6 paıyzy – sımptomy joqtar.
Oblystyq jedel járdem stansasyna sońǵy táýlikte barlyǵy 1115 qońyraý shalyndy, sonyń ishinde KVI boıynsha – 181, statsıonarlarǵa jatqyzylǵandar sany – 50.
Gúlnár Maqsotqyzynyń sózine qaraǵanda, qazirgi tańda 1459 tósektik 20 ınfektsııalq statsıonarda (onyń altaýy qalada, qalǵany aýdandarda) barlyǵy 667 adam emdelýde. Sonyń ishinde 109 tósektik jansaqtaý bólimshelerinde 53 naýqas jatyr. Bulardyń ishinde 50-i aýyr, úsheýi asa aýyr halde. 50,9 paıyzy – ilespeli patologııasy bar 60 jastan asqandar. 40 naýqastyń sozylmaly derti bar, 29-y júrek-qan tamyrlary aýrýlaryna, 11-i qant dıabetine shaldyqqan.
Invazıvti jasandy tynys alý apparatyna 1, ınvazıvti emes osyndaı qurylǵyǵa 31, ottegi kontsentratoryna 18 naýqas qosylǵan.
«Infektsııalyq statsıonarlarda jatqandardyń 98 paıyzdan astamy vaktsına almaǵan. Al jansaqtaý bólimshesindegiler túgeldeı egilmegen», dedi G.Ábdirahmanova.
Kúni búginge deıin oblysta 181 491 adam vaktsınanyń birinshi, 138 911-i ekinshi komponentimen egilgen.
Іndet bastalǵannan beri koronavırýs juqtyrǵan 32 844 naýqastyń 25 084-i nemese 76,3 paıyzy jazylyp shyqty. 606 adam kóz jumdy.
Eske sala keteıik, budan buryn Batys Qazaqstanda sońǵy aptada koronavırýs juqtyrǵandar sany 10 paıyzǵa azaıǵanyn jazǵan bolatynbyz.