BQO-da koronavırýs juqtyrǵan 1700-den astam naýqas ambýlatorlyq em alyp jatyr
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngide málim etkenindeı, solardyń 64 paıyzynda aýrý jeńil, 9 paıyzynda ortasha deńgeıde ótýde.
26 paıyzy – sımptomy joqtar.
Onyń sózine qaraǵanda, oblystyq jedel járdem stansasyna sońǵy táýlikte barlyǵy 964 shaqyrtý tússe, sonyń 139-y KVI-ge baılanysty boldy. Sonyń ishinde 54-i statsıonarǵa
jetkizildi.
Qazirgi tańda oblysta 1459 tósektik 20 ınfektsııalyq statsıonar 41 paıyzǵa tolǵan, olarda 598 adam emdelýde.
Sonyń ishinde 109 tósektik jansaqtaý bólimshelerinde 44 naýqas em qabyldaýda. Bulardyń 39-y aýyr jáne beseýi asa aýyr halde jatyr. 29-y júrek-qan tamyrlary aýrýlary, 11-i qant dıabetine shaldyqqan.
Invazıvti jasandy tynys alý apparatyna 5, ınvazıvti emes osyndaı qurylǵyǵa 22, ottegi kontsentratoryna 26 adam qosylǵan.
Dertti bolǵandardyń ishinen vaktsına almaǵan turǵyndardyń sany – 99,5 paıyz.
«Іndet bastalǵannan beri óńirde koronavırýs juqtyrǵan 35 552 naýqastyń 26 452-si nemese 76,5 paıyzy jazylyp shyqty. Sonyń ishinde 12 584-i statsıonarlyq, 13 686-sy –ambýlatorııalyq em alǵandar. Pandemııa bastalǵannan beri 659, bıyl 490 adam qaıtys boldy. Kúni búgin jansaqtaý tósekteri men jasandy tynys alý apparatynda jatqan emdelýshiler ishinen vaktsına almaǵandar – 98 paıyz. Bul vaktsına alýdyń tıimdiligin kórsetedi», dedi G.Ábdirahmanova.
Eske sala keteıik, budan buryn Batys Qazaqstanda sońǵy aptada 20 adamnyń koronavırýstan qaıtys bolǵanyn, karantın talabyn buzǵandarǵa 3,5 mln-ǵa jýyq teńge aıyppul salynǵanyn jazǵan edik.