BQO-da koronavırýs anyqtalǵan 11 naýqastyń jeteýi – Túrkistan oblysynyń turǵyndary
ORAL. QazAqparat – Batys Qazaqstan oblysynda koronavırýs anyqtalǵan sońǵy 11 naýqastyń jeteýi – Túrkistan oblysynyń turǵyndary, dep habarlaıdy QazAqparat tilshisi.
BQO ákimdigi málim etkenindeı, atalǵan turǵyndar Reseıde vahtalyq ádispen jumys jasaıdy.
Samara oblysymen shektesetin «Syrym» avtoótkelinen ótken kezde jeti azamattyń densaýlyǵyna shaǵymy bolmaǵan. Algorıtmge sáıkes epıdemıologtar jedel járdem shaqyryp, karantındik statsıonarǵa jatqyzyldy.
Sonymen qatar koronavırýs juqtyrǵan 4 adam – medıtsına qyzmetkerleri.
Zertteý qorytyndysymen COVID-19 dıagnozy rastalǵannan keıin barlyǵy da oblystyq juqpaly aýrýlar aýrýhanasyna jatqyzyldy.
Naýqastarmen qarym-qatynasta bolǵandar anyqtalyp, medıtsınalyq baqylaýǵ alyndy.
Aýrý oshaqtarynda dezınfektsııalyq jumystar júrgizildi.
Osylaısha BQO-da aýyrǵandar sany 138-ge jetip, sonyń 9-y jazylyp shyqty.
Eske sala keteıik, budan buryn BQO-da koronavırýs juqtyrǵan áıeldiń shet elden kelgenin jazǵan bolatynbyz.
