BQO-da qoradaǵy 17 sıyr órtenip ketti
ORAL. QazAqparat - Batys Qazaqstan oblysynda jek úıdiń aýmaǵynda alapat órt shyqty. Tilsiz jaý úsh saǵattan keıin sóndirildi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
«15 qańtar kúni saǵat 02:08-de Batys Qazaqstan oblysy Syrym aýdanynyń Jympıty kentinde jeke úı aýmaǵyndaǵy órt týraly habar kelip tústi. Aýmaǵy 210 sharshy metr bolatyn mal qorasy otqa oranyp, ondaǵy 17 sıyr qyryldy», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Tilsiz jaý tańǵy 4:35-te toqtatylyp, 5:15-te tolyq sóndirilgen. Oǵan BQO TJ departamentiniń jeke quramynan 12 adam men 2 tehnıka jiberildi.
«Tótenshe oqıǵadan adamdar zardap shekken joq. Órt sebepteri anyqtalyp jatyr», - dedi N. Nurahmetov.
