BQO-da kópqabatty úıdiń dálizinen er adamnyń múrdesi tabyldy
ORAL. QazAqparat – Oralda kópqabatty úıden er adamnyń múrdesi tabyldy, dep habarlaıdy QazAqparat tilshisi.
BQO Polıtsııa departamentiniń baspasóz qyzmetinen málim etkenindeı, 24 sáýir kúni saǵat 14.36-da Á.Moldaǵulova kóshesindegi úıdiń úshinshi qabatynda 1983 jylǵy V. degen er adamnyń denesi tabyldy.
Múrdeni kórshiler taýyp alǵan.
Marqum buryn qylmystyq jaýapkershilikke tartylǵan. Aldyn ala málimetke qaraǵanda, esirtkini shekten tys kóp qoldanǵan. Sot-medıtsınalyq saraptama taǵaıyndalyp, ólimniń sebebi anyqtalý ústinde.
Oblystyq Densaýlyq saqtaý basqarmasynyń baspasóz qyzmeti naqtylaǵanyndaı, eýropa pishindes er adamnyń denesi ekinshi jáne úshinshi qabattyń ortasyndaǵy alańda jatqan.
Buǵan deıin ózge oqıǵalar jóninde jazǵan bolatynbyz: Oral turǵyny burynǵy áıelin óltirdi degen kúdikpen qamaýǵa alyndy.
Sondaı-aq búgin er adam kópqabatty úıdiń dálizinde eki adamdy pyshaqpen jaraqattady. Olardyń biri jansaqtaý bólimine tústi.
