BQO-da komandırin atyp óltirgen polıtsııa qyzmetkerine úkim shyqty
ORAL. QazAqparat - BQO qylmystyq ister jónindegi mamandandyrylǵan aýdanaralyq soty komandırin atyp óltirgen Serik Ǵarıfke úkim shyǵardy, dep habarlaıdy QazAqparat tilshisi.
Sýdıa Baqyt Ermahanovtyń málim etkenindeı, S.Ǵarıf QR QK 99-babynyń 1-bóligine sáıkes aıypty dep tanyldy.
S.Ǵarıf 13 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy.
Sonymen qatar ol jábirlenýshilerdiń paıdasyna 2,7 mln astam teńge materıaldyq jáne 4 mln teńge moraldyq shyǵyn óndiretin boldy.
QR ІІM mamandandyrylǵan kúzet qyzmeti basqarmasy Aqjaıyq aýdany 2-batalonynyń qyzmetkeri bolǵan, 1994 jylǵy S.Ǵarıf polıtsııa serjanty sheninen de aıyryldy.
Sot oǵan qosa atalǵan mekemede oryn alǵan kemshilikterdi atap kórsetip, ony tekserý jóninde BQO prokýratýrasy atyna jeke qaýly shyǵardy.
Sot talqysynda belgili bolǵanyndaı, jekkórýshilik negizinde S.Ǵarıf ótken jylǵy 6 qyrkúıek kúni saǵat 16.29-da Aqjaıyq polıtsııa bóliminiń aýlasynda vzvod komandıri Rústem Raqyshevti jeti ret atyp, óltirgen. Ol qyzmet babynda óziniń tarapyna aıtylǵan syn-eskertpelerdi kótere almaı, ashý-yza jınala bergen.
Sot úkimi kúshine engen joq.
Eske sala keteıik, budan buryn BQO-da polıtsııa qyzmetkeriniń vzvod komandırin atyp óltirgenin jazǵan bolatynbyz.
