BQO-da qoly armatýraǵa qysylyp qalǵan 12 jasar bala qutqaryldy
ORAL. QazAqparat – Batys Qazaqstan oblysynda qoly armatýraǵa qysylyp qalǵan 12 jasar bala qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen málim etkenindeı, oqıǵa 20 maýsym kúni keshkisin Terekti aýdany Poıma aýylynda boldy.
«Saǵat 17.28-de 101 pýltine Shevchenko kóshesindegi mekenjaıdan shaqyrtý kelip tústi. Maı zaýyty aýmaǵynda 2011 jylǵy balanyń qoly armatýraǵa qysylyp qalǵany anyqtaldy. Shaqyrtý ornyna jedel jetken qutqarýshylar balanyń qolyn armatýradan bosatyp, saǵat 18.20-da jumysty tolyqtaı aıaqtady. Qutqarylǵan bala jedel járdem qyzmetine tapsyryldy. Oqıǵa ornynda BQO TJD jedel qutqarý jasaǵynan 4 qyzmetker 1 tehnıkamen jumys atqardy. Qazirgi kezde oqıǵanyń jaı-japsary anyqtalyp jatyr», dep habarlady vedomstvodan.
BQO densaýlyq saqtaý basqarmasy baspasóz qyzmetiniń naqtylaýynsha, bala jedel járdem kóligimen oblystyq kópbeıindi balalar aýrýhanasyna jetkizildi. Oń qolynyń bilezigine tot basqan armatýra kirgen. Kezekshi travmatolog kómek kórsetkennen keıin hırýrgııalyq óńdeý jasaldy. Sosyn kirgen temir alynyp tastaldy. Zaqymdalǵan tinderi tigildi. Ambýlatorııalyq emdeýge jiberilgen balanyń jaǵdaıy qanaǵattanarlyq.
Eske sala keteıik, budan buryn Batys Qazaqstanda 680 balalar lageriniń jumys istep turǵanyn jazǵan bolatynbyz.
Sondaı-aq BQO-da órt qaýpine baılanysty 10 balalar lageri esepke alyndy.
