BQO-da kolledj qarjysyn jymqyrǵan bas esepshi sottaldy
BQO sybaılas jemqorlyqqa qarsy qyzmetinen túsken málimetke qaraǵanda, «Zelenov kolledji» MKQK bas esepshisi Kazakovaǵa qatysty qylmystyq is boıynsha QR Qylmystyq protsess júrgizý kodeksiniń 200-baby tártibinde engizilgen usynys qaraldy.
Sot otyrysyna BQO bilim basqarmasynyń basshylyǵy, «Aqjaıyq – adaldyq alańy» jobalyq keńsesiniń jetekshisi Álııa Sálıeva qatysty.
Anyqtalǵanyndaı, Kazakova 2017-2018 jyldary bas esepshi mindetin atqara júrip, kolledjdiń 1,275 mln teńgesin qolma-qol aqsha retinde jymqyrǵan. Oǵan qosa, 3 119 033 teńgeni óziniń jeke esepshotyna aýdarǵan. Sondaı-aq 1 354 100 teńgeni «Ahýndova R.A.» JK men «Logashkına M.A.» JK esepshottaryna aýdarý arqyly qolma-qol aqshaǵa aýystyrǵan.
Budan basqa, 2016-2018 jyldary kásipkerlik qyzmetpen zańsyz aınalysqan. ıAǵnı týysy R.Ahýndova arqyly «Ahýndova R.A.» JK-ny qurý men basqarý isine aralasyp, memlekettik satyp alý portalynda kolledjben kelisimsharttar jasaý túrinde oǵan basymdyqtar men jeńildikter bergen.
Báıterek aýdandyq sotynyń úkimimen Kazakovanyń 4 jylǵa bas bostandyǵy shekteldi.
Taldaý nátıjeleri BQO bilim basqarmasy tarapynan tıisti vedomstvolyq baqylaýdyń bolmaýy saldarynan osy qylmystyq quqyqbuzýshylyqqa jol berilgenin kórsetti. Sondyqtan basqarma basshysyna usynystar berildi, sonyń ishinde aldyn alý jumystaryn kúsheıtý usynyldy.
