BQO-da kolledj ǵımaraty opyrylyp tústi

ORAL. QazAqparat – Báıterek aýdanynda kolledj ǵımaraty opyrylyp tústi, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa búgin saǵat 12.30-da Kalının aýyly Kırov kóshesi 19-mekenjaıynda oryn aldy.

Zelenov kolledjiniń 1980 jyly salynyp, tozǵan úsh qabatty №5 korpýsynyń bir bóligi opyrylyp qulaǵan. Onyń aýmaǵy 80 sharshy metrdi qurady.

«Qurylyskonsaltıng» ulttyq ortalyǵy sarapshy komıssııasynyń 2015 jylǵy 28 tamyzdaǵy №41 qorytyndysyna sáıkes atalǵan ǵımarat apatty jaǵdaıda dep tanylyp, onda oqý toqtatylǵan bolatyn.

Oqıǵadan zardap shekkender joq.

«Qazirgi kezde ǵımaratty buzý úshin jobalyq-smetalyq qujattama jasalýda», dep habarlady departamenttiń baspasóz qyzmeti.