BQO-da kolledj dırektory óz-ózine qol jumsady
ORAL. QazAqparat - Batys Qazaqstan oblysynda kolledj dırektory ózine-ózi qol jumsady, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa keshe Báıterek aýdany Kalının aýylynda oryn alǵan. Saǵat 12.30-da ózine qol jumsaǵan er adamnyń múrdesi tabyldy. Atalǵan derek boıynsha QR QK 105-baby 1-bóligine sáıkes sotqa deıingi tergep-tekserý amaldary júrgizilýde.
Marqum sol aýylda kolledj dırektory bolyp jumys jasaǵan.
Eske sala keteıik, budan buryn Oral qalasynda qyz bala jetinshi qabattan sekirip ketken bolatyn.
