BQO-da kólik júrgizý quqyǵynan aıyrylǵan 81 adam mas kúıde qaıta rólge otyrǵan
ASTANA. KAZINFORM — Jyl basynan beri Batys Qazaqstan oblysy PD patrýldik polıtsııa qyzmetkerleri qyzmet atqarý barysynda kólikti masań kúıde basqarǵan 1 002 júrgizýshini anyqtap, ustady. Onyń ishinde 921 júrgizýshi Ákimshilik quqyq buzýshylyq týraly kodekstiń 608-baby boıynsha ákimshilik jaýapkershilikke tartyldy. Bul týraly Polisia.kz jazdy.
Sonymen qatar kólikti basqarý quqyǵynan buryn aıyrylǵanyna qaramastan, qaıtadan masań kúıde rólge otyrǵan 81 júrgizýshi anyqtaldy. Olardyń áreketteri Qylmystyq kodekstiń 346-baby boıynsha saralanyp, qylmystyq jaýapkershilikke tartý máselesi sheshilip jatyr.
— Kólikti basqarý quqyǵynan aıyrylǵan adam masań kúıde qaıtadan kólik basqarǵan jaǵdaıda bes jylǵa deıin bas bostandyǵynan aıyrý jazasy qarastyrylǵan. Ókinishke qaraı, masań kúıdegi júrgizýshilerdiń qatysýymen 26 jol-kólik oqıǵasy tirkelip, saldarynan 49 adam túrli dene jaraqatyn alǵan, — delingen habarlamada.
Osyǵan baılanysty polıtsııa qyzmetkerleri júrgizýshilerge kólikti alkogoldik nemese ózge de masań kúıde basqarýǵa jol bermeýdi, sondaı-aq masań kúıdegi adamnyń kólik basqarýyna jol bermeýdi eskertedi.
Buǵan deıin Abaı oblysynda mas kúıde kólik aıdaǵan 370 júrgizýshi ustalǵan bolatyn.
