BQO-da kólik órtenip, jolaýshy kóz jumdy
ORAL. QazAqparat - Batys Qazaqstan oblysynda jol apatynan jolaýshy qaza tapty, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, 22 qańtar kúni saǵat 21.30 shamasynda Oral-Atyraý kúre joly boıynda, Zelenov aýdany ıAnaıkın aýyly tusynda «Toıota Kamrı» jáne «Toıota Haılıýks» avtokólikteri betpe-bet soqtyǵysqan. Aldyn ala málimet boıynsha «Toıota Haılıýks» avtokóliginiń júrgizýshisi qarsy betke shyǵyp ketken.
Jol apaty saldarynan «Toıota Kamrı» avtokóliginde otyrǵan jolaýshy oqıǵa ornynda kóz jumǵan. Qos júrgizýshi de túrli jaraqatpen aýrýhanaǵa jetkizilgen. Oǵan qosa «Toıota Haılıýks» túgeldeı órtenip ketken.
Qazirgi kezde QR QK 345-baby 3-bóligine sáıkes qylmystyq is qozǵalyp, tergeý amaldary júrgizilýde.
