BQO-da kólik qaǵyp ketken 2 adamnyń jaǵdaıy aýyr

ORAL. QazAqparat - Oralda jol jıeginde ketip bara jatqan eki adamdy kólik qaǵyp ketti. Ekeýiniń de jaǵdaıy aýyr, dep habarlaıdy QazAqparat Polisia.kz saıtyna silteme jasap.

«Oqıǵa 15 qyrkúıek kúni túngi 00:30 ýaqyt shamasynda boldy. «Volkswagen Golf III» kóligin tizgindegen 21 jastaǵy júrgizýshi rýlge ıe bola almaı qalyp, «Gremmı» meıramhanasynyń janynda jol jıeginde ketip bara jatqan 21 jáne 20 jastaǵy eki jaıaý júrginshini qaǵyp ketti», - delingen polıtsııa málimetinde.

Zardap shekkender aýrýhananyń jansaqtaý bóliminde jatyr.

«Atalǵan fakti boıynsha QR Qylmystyq kodeksiniń 345-baby 2-bóligi boıynsha sotqa deıingi tergeý amaldary bastaldy», - delingen málimette.

Áleýmettik jelide taraǵan vıdeo men fotolarǵa qaraǵanda. Kólik joǵary jyldamdyqpen kele jatqan. Adamdardy qaqqannan keıin mashına temir-betondy qorshaýǵa soǵylǵan.

Foto: polisia.kz