BQO-da kólik aýdarylyp, er adam kóz jumdy
ORAL. QazAqparat - Búgin Batys Qazaqstan oblysynda avtokólik aýdarylyp, er adam qaza tapty, dep habarlaıdy QazAqparat tilshisi.
Oqıǵa Oral-Atyraý jolynda qaladan shyǵa beristegi Jeltaýda (Svıstýn gora) saǵat 11.00 shamasynda bolǵan. Mashına joldan shyǵyp ketip, aýdarylǵan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, jedel járdem avtokóligimen 1970 jylǵy er adam kóptegen jaraqattarmen saǵat 11.10-de qalalyq kópbeıindi aýrýhanaǵa jetkizilgen. Ol saǵat 11.35-te kóz jumǵan.
Qazirgi kezde oqıǵanyń jaı-japsary anyqtalyp jatyr.
Foto: zytomyr.info
