BQO-da kóktaıǵaqqa baılanysty joldar jabyldy
ORAL. QazAqparat - Batys Qazaqstan oblysynda kóktaıǵaqqa baılanysty joldar jabyldy, dep habarlaıdy QazAqparat tilshisi.
BQO TJ departamentiniń jedel kezekshisi, azamattyq qorǵaý podpolkovnıgiAshat Qydyrovtyń aıtýynsha, saǵat 22.00-den bastap oblystyq Chapaev-Jańaqala-Saıqyn, sondaı-aq respýblıkalyq mańyzy bar Chapaev-Jalpaqtal-Qaztalov baǵytyndaǵy joldar jabyldy.
«Kóktaıǵaq saldarynan jaǵdaı osyndaı bolyp tur. Sirá, joldar tańǵa deıin ashylmaıtyn shyǵar», - dedi QazAqparat tilshisine A.Qydyrov.
Óńir turǵyndarynyń sózine qaraǵanda, oblystyń ońtústik aýmaǵynda kún jaýyn-shashyndy bolyp, sonyń saldarynan kóktaıǵaq oryn alýda.
Eske sala keteıik, budan buryn Oralda kóktaıǵaqtyń saldarynan 55 adam jaraqat alǵanyn jazǵan bolatynbyz.
