BQO-da kóktaıǵaqqa baılanysty respýblıkalyq joldar jabyldy
ORAL. QazAqparat - Batys Qazaqstan oblysynda qatty kóktaıǵaqqa baılanysty respýblıkalyq joldar jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, jergilikti saǵat 18.00-den bastap osyndaı sheshim qabyldandy.
Atap aıtqanda, respýblıkalyq mańyzy bar Samara-Shymkent (Podstepnyı aýyly - Aqtóbe oblysy), Atyraý-Oral, Podstepnyı-Fedorovka-RF shekarasy jáne Podstepnyı-Orynbor oblysy baǵytynda barlyq kólik túrleri úshin qozǵalysqa shekteý qoıyldy.
Sonymen qatar oblys aýdandaryna aparatyn Chapaev-Jalpaqtal-Qaztalov, Qaztalov-Jánibek, Ónege-Bısen-Saıqyn joldary da jabyldy.
Eske sala keteıik, budan buryn kóktaıǵaqqa baılanysty óńirde barlyq joldardyń jabylǵanyn, aýa raıyna oraı eskertý jarııalanǵanyn jazǵan bolatynbyz.
