BQO-da kóktaıǵaqqa baılanysty eki respýblıkalyq jolda qozǵalys shekteldi

ORAL. QazAqparat – Batys Qazaqstan oblysynda kóktaıǵaqqa baılanysty eki respýblıkalyq jolda qozǵalys shekteldi, dep habarlaıdy QazAqparat tilshisi.

BQO TJ departamentiniń baspasóz qyzmetinen málim etkenindeı, resýblıkalyq mańyzy bar Samara-Shymkent avtojoly (229-195 km, Báıterek aýdany Mahambet aýylynan RF shekarasyna deıin) qoǵamdyq jáne júk kólikteri úshin jabyq tur.

Sondaı-aq respýblıkalyq mańyzy bar Podstepnyı-Fedorov-RF shekarasy avtojolynda (3-97 km, Terekti aýdany Podstepnyı aýylynan Bórli aýdany Bórli aýylyna deıin) barlyq kólik túrleri úshin qozǵalys shekteldi.

Óńirde qolaısyz aýa raıyna baılanysty eskertý jarııalanyp, tótenshe jaǵdaılardy boldyrmaý maqsatynda tıisti is-sharalar alynýda.

Oral qalasynda da jańbyr jaýǵandyqtan, kóktaıǵaq bolyp tur.

Eske sala keteıik, budan buryn Batys Qazaqstanda boranǵa baılanysty respýblıkalyq joldyń jabylǵanyn jazǵan bolatynbyz.