BQO-da qoǵamdyq tártipti qorǵaǵan 200-den astam azamat yntalandyryldy
ORAL. QazAqparat - Qylmysty ashýǵa járdemdeskeni úshin «KSB Grýpp» JShS kúzet fırmasynyń jumysshylary Bolatbek Ismaǵulov, Arman Esenov, Renat Jaıkebaevqa BQO Іshki ister departamentiniń bastyǵy, polıtsııa general-maıory Maqsuthan Ablazımov alǵyshat tabys etti, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, atalǵan azamattar sonymen qatar 10 aılyq eseptik kórsetkish kóleminde aqshalaı yntalandyryldy. Departament basshysy osyndaı kásibı kadrlardy jınap, olarǵa jaqsy tárbıe bergeni úshin kúzet fırmasynyń basshysyna da alǵysyn bildirdi.
Atalǵan qyzmetkerler ótken jyldyń jeltoqsan aıynda Aqjaıyq aýdanyna qarasty Jańabulaq aýyldyq okrýgi aýmaǵynda kúzet jumystary barysynda kúdikti avtokólikti baıqap, dereý jergilikti ýchaskelik polıtsııa ınspektoryna habarlasyp, aqparat ishki ister organynyń kezekshi bólimine jetkizilgen. Polıtsııa qyzmetkerleriniń jedel qımyly arqasynda mal urlaýshylar toby ustalǵan. Olardyń avtokóliginen atylǵan tórt jylqynyń ushasy, ishki ister organdarynda tirkelmegen ańshy myltyǵy tabylǵan. 
Tergeý amaldaryn júrgizý barysynda ustalǵan uıymdasqan qylmystyq toptyń Tasqala, Terekti, Aqjaıyq jáne Syrym aýdandary aýmaǵynda jasalǵan osyndaı 11 qylmysqa qatysy bar ekendigi anyqtaldy. Qazirgi kezde uıymdasqan toptyń barlyq músheleri sottalyp, bas bostandyǵynan aıyrý oryndarynda jazalaryn óteýde.
Aıta keteıik, oblys boıynsha quqyq qorǵaýǵa baǵyttalǵan 235 qoǵamdyq qurylym (2174 adam) jumys jasaıdy. Bıyl olardyń kómegimen 117 qylmys ashylyp, 621 ákimshilik quqyqbuzýshylyqtyń joly kesildi. Qoǵamdyq tártipti saqtaýǵa belsendi qatysqany úshin 213 azamat, sonyń ishinde 117-si 2,6 mln teńgege aqshalaı yntalandyryldy.
Mundaı jumystar jalǵasýda.
