BQO-da qoǵamdyq tártipti buzǵan azamat 25 táýlikke qamaldy
ASTANA. KAZINFORM — Bórli aýdanynyń Aqsaı qalasynda polıtsııa qyzmetkerleri túngi klýbtardyń biriniń qasynda qoǵamdyq tártipti buzǵany úshin 22 jastaǵy jergilikti turǵyndy ustady. Bul týraly Polisia.kz jazdy.
— Bul azamat qoǵamdyq orynda balaǵat sózder aıtyp, polıtsııa qyzmetkerleriniń zańdy talaptaryna baǵynbaǵan. Quqyq buzýshy Aqsaı qalasynyń 22 jastaǵy turǵyny Aset Kenesov ekeni anyqtaldy. Sot sheshimimen ol 25 táýlik merzimge ákimshilik qamaýǵa alyndy, — delingen habarlamada.
Polıtsııa azamattardy qoǵamdyq tártipti saqtaýǵa jáne quqyq buzýshylyqtarǵa jol bermeýge shaqyrady.
Aıta keteıik, buǵan deıin TikTok-ta balaǵat sóz aıtqan Taraz turǵyny 5 táýlikke qamaldy.
