BQO-da qyzylshamen aýyrǵan 60-qa jýyq adam aýrýhanaǵa jatqyzyldy

ORAL. KAZINFORM – Batys Qazaqstan oblysynda qyzylshaǵa shaldyqqan adamdar sany kóbeıip otyr. 

BQO densaýlyq saqtaý basqarmasynyń baspasóz qyzmetinen málim etkenindeı, jyl basynan beri kúni búginge deıin oblystyq juqpaly aýrýlar aýrýhanasyna 57 adam jatqyzyldy. Sonyń ishinde 38-i jazylyp shyqty. 

– Qazirgi tańda statsıonarda 19 adam jatsa, sonyń 18-i – balalar, bireýi – eresek adam. Sonyń ishinde eki bala reanımatsııa jáne qarqyndy terapııa bóliminde emdelip jatyr. Barlyq naýqas dárigerlerdiń baqylaýynda, - dep habarlady vedomstvodan.

Eske sala keteıik, budan buryn Batys Qazaqstan oblysynda 25 adamnyń qyzylshamen aýyrǵany rastalǵanyn jazǵanbyz. Onda óńirde jyl basynan beri 29 adamnyń qyzylshamen aýyrdy degen kúdikpen tirkelgeni aıtylǵan edi.