BQO-da kisi óltirgen turǵyn on jylǵa sottaldy
ORAL. QazAqparat - Batys Qazaqstan oblysy Qylmystyq ister jónindegi mamandandandyrylǵan aýdanaralyq sotynyń úkimimen M.Shamǵonov QR QK-niń 99-baby 1-bóligine sáıkes aıypty dep tanylyp, 10 jylǵa sottaldy, dep habarlaıdy QazAqparat tilshisi.
Atalmysh sottan túsken málimetke qaraǵanda, sottalýshy men jábirlenýshi T.Júkeev ótken jyldyń 31 jeltoqsany kúni jańa jyldy M.Shamǵonovtyń úıinde qarsy alýǵa uıǵarady.
Araq ishý barysynda ekeýiniń arasynda kelispeýshilik týyndap, ony sheshý úshin dálizge shyǵady. Sol kezde M.Shamǵonov as úı pyshaǵymen T.Júkeevtiń júrek tusynan urady. Sonyń saldarynan marqum sol jerde jan tapsyrady.
Tanystary men dostarynyń sózine qaraǵanda, sottalýshy sabyrsyz jan bolǵan, ashý ústinde birneshe ret qolyna pyshaq alǵan. Sonysy aqyry túbine jetip tyndy.
Oqıǵa oryn alysymen M.Shamǵonov telefonyn áıeline berip, polıtsııa men jedel járdem shaqyrý kerektigin aıtady. Biraq bári kesh edi.
Sot talqysynda aıyptalýshy kinásin moıyndady.
Sot úkimi kúshine engen joq.
