BQO-da kisi ólimine soqtyrǵan eki birdeı oqıǵa oryn aldy

Oblystyq ishki ister departamentiniń baspasóz qyzmetinen túsken málimetke qaraǵanda, 7 qańtar kúni Samara-Shymkent kúre joly boıynda «Aýdı-100» avtokóliginiń 30 jasar júrgizýshisi qarsy betke shyǵyp ketip, «ÝAZ» avtokóligimen soqtyǵysýǵa jol berdi. Sonyń saldarynan «Aýdı-100» avtokóliginiń jolaýshylary, 51 jastaǵy er adam oqıǵa ornynda kóz jumsa, 35 jastaǵy áıel Oral qalasyndaǵy oblystyq aýrýhanaǵa jetkizildi.

8 qańtarǵa qaraǵan túni Aqjaıyq aýdanynyń Aqbulaq eldi mekeninde 36 jastaǵy áıel spırttik ishimdik ishý kezinde shyqqan urys-keristiń saldarynan 35 jastaǵy óz kúıeýin pyshaqtap óltirgen. Áıel aýdandyq ishki ister bólimi janyndaǵy ýaqytsha ustaý ızolıatoryna qamaldy.