BQO-da kishkentaı qyzdyń tizesine ıne kirip ketti
ORAL. QazAqparat – Batys Qazaqstan oblysynda qyzdyń tizesine ıne kirip ketti, dep habarlaıdy QazAqparat tilshisi.
Qyzǵa oblystyq kópbeıindi aýrýhanada ota jasaldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, qyz kilemge otyrǵan kezde ıne kirip ketken. Bir táýlik ótkennen keıin dárigerge júgingen.
Ine aıdarshyq ústine qadalyp qalǵan.
Travmatolog-ortoped Berik Rysbaev artroskopııamen (az jaraqattaıtyn ota) tize býynynan ıneni sýyryp aldy. Oǵan oblystyq balalar aýrýhanasynyń dárigeri Damır Maratuly kómektesken.
