BQO-da kıikti ustap, etin halyqqa satýǵa ruqsat etildi
Batys Qazaqstan oblysynda eki kásiporyn kıik etin satýmen zańdy túrde aınalysatyn bolady, dep habarlaıdy QazAqparat tilshisi.
BQO Orman sharýashylyǵy jáne janýarlar dúnıesin qorǵaý aýmaqtyq ınspektsııasynyń basshysy Nurlan Rahymjanovtyń aıtýynsha, Jańaqala aýdanynda "Іzdenis" JShS, Aqjaıyqta "Batys-Nyq" JShS kıik etin halyqqa satýmen aınalysady.
Nurlan Rahymjanovtyń sózine qaraǵanda, Jáńgir han atyndaǵy Batys Qazaqstan agrarlyq-tehnıkalyq ýnıversıteti daıyndaǵan bıologııalyq negizdemege sáıkes óńirde kıiktiń sany 500-550 myń bastan aspaýy kerek.
Qazirgi tańda olardyń sany shamamen 1 mln 800 myń basty qurap otyr.
Kıikterdiń kóbeıýi shabyndyqqa, jaıylymdarǵa, egistikterge zııan keltirýmen qatar, epıdemııalyq jaǵdaıǵa da keri áserin tıgizýi yqtımal. Sondyqtan kıik sanyn retteý úshin birqatar ázirlik jumystary júrgizilip jatyr. Osyǵan oraı QR Ekologııa jáne tabıǵı resýrstar mınıstrliginiń 19 qyrkúıekte kıikterdi rettelýge jatatyn janýarlardyń qataryna engizý jóninde buıryǵy shyqqany belgili.
"Kúni búgin "Ohotzooprom" mekemesi ańshylarmen kelisimsharttar jasap jatyr. Kıik sanyn retteý jumystary tek qana koral (tor) arqyly júrgiziletin bolady. ıAǵnı atpaıdy, torǵa qamap, ustaıdy. Bul jumystar qazan aıynyń alǵashqy onkúndiginde bastalady dep josparlanǵan", – dedi QazAqparat tilshisine N.Rahymjanov.
Eske sala keteıik, budan buryn Batys Qazaqstan oblysynda kıikten 1 myńnan astam sharýashylyqqa zalal kelgenin jazǵan bolatynbyz.
