BQO-da kıik tóldeıtin aýmaqtyń 90 paıyzy jaıylymǵa paıdalanylady – Úkimet

ASTANA. QazAqparat – Premer-Mınıstr Álıhan Smaıylov Senat depýtattarynyń saýalyna joldaǵan jaýabynda Batys Qazaqstan oblysynda kıik tóldeýge qolaıly oryndardyń 90 paıyzyn jergilikti halyq jaıylymǵa paıdalanyp júrgenin málim etti, dep habarlaıdy QazAqparat tilshisi.

«Osyǵan baılanysty, kıikterdiń aýyl sharýashylyǵyna zalal keltirýin azaıtý, sondaı-aq olardyń Batys Qazaqstan oblysyndaǵy mekenin saqtaý maqsatynda 2022 jylǵy mamyrda Bókeı ordasy rezervaty quryldy. Alaıda, kıikter popýlıatsııasynyń tabıǵı tóldeý jerleriniń 90% quraıtyn 120 myń gektarǵa jýyq jer rezervatqa berilmegen. Qazirgi ýaqytta bul jerlerdi aýylsharýashylyq qurylymdary men aýyl halqy jaıylym retinde paıdalanady», - delingen jaýapta.

Úkimet basshysy kıikterdiń mekendeý aýmaǵy keıingi 15 jylda 2 eseden asa qysqarǵanyn aıtyp otyr.

«Kıikterdiń mekendeý oryndarynyń sońǵy 15 jylda 2 eseden astam qysqarǵanyna qaramastan (2008 jyly 7856 gektardan 2022 jyly 3720 gektarǵa deıin) olar ádettegi mekendeý ortasyna oralýymen sıpattalady, osyǵan baılanysty qazirgi ýaqytta olardyń Batys Qazaqstan oblysynda sharýa qojalyqtarynyń jaıylymdary men egistik jerlerine shoǵyrlanýy artyp keledi. Osyǵan baılanysty kıikter sanynyń tez ósýinen bastap olardyń popýlıatsııasyn basqarýdyń ártúrli nusqalary qarastyryldy. Atap aıtqanda, Zoologııa ınstıtýty daıyndaǵan atý arqyly bıologııalyq negizdemeni eskere otyryp, kıikterdiń sanyn retteýdi júrgizý josparlanǵan bolatyn. 2022 jyly kıikterdiń sanyn retteýge qatysty NQA-ǵa ózgerister engizý arqyly 80 myńnan astam kıikti atýǵa ruqsat berý josparlandy. Sonymen birge, osyndaı sheshimmen baılanysty qoǵamdyq rezonansty eskere otyryp, bul shara qoldaý tappady», - dep jazady Álıhan Smaıylov.