BQO-da kıik múıizin shekaradan alyp ótpek bolǵan ózbekstandyq sottaldy
ORAL. QazAqparat - Batys Qazaqstan oblysynda kıik múıizin shekara arqyly alyp ótpek bolǵan ózbekstandyq azamat sottaldy, dep habarlaıdy QazAqparat tilshisi.
BQO sotynyń baspasóz qyzmetinen túsken málimetke qaraǵanda, Báıterek aýdandyq №2 soty ózbekstandyq azamat H-ǵa qatysty qylmystyq iske núkte qoıdy. Atalǵan azamat QR QK 339-babyna (ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý) sáıkes aıypty dep tanyldy.
Sot talqysynda belgili bolǵandaı, ózbekstandyq azamat 148 dana kıik múıizin zańsyz ıelenip, shekara beketi arqyly Qazaqstan aýmaǵynan alyp ketpek bolǵan. Sol jerde shekarashylardyń qolyna túsken.
Sot úkimimen sottalýshyǵa 500 AEK kóleminde 1 262,5 myń teńge aıyppul salyndy. Alaıda onyń qamaýda otyrǵan merzimi eseptelip, aıyppul mólsheri 717,1 myń teńgege azaıtyldy. Sóıtip 545,4 myń teńge aıyppul belgilendi. Sottalýshy atalǵan somany úkim zańdy kúshine engenge deıin óz erkimen tóledi.
Eske sala keteıik, budan buryn BQO-da zańsyz kıik aýlaýmen aınalysqan turǵyndar ustalǵan bolatyn.
