BQO-da kıik aýlaǵan shekara qyzmetiniń kapıtany ustaldy
ASTANA. QazAqparat - Batys Qazaqstan oblysynyń Jánibek aýdanynda kıik aýlaǵan shekara qyzmetiniń kapıtany ustady. Bul jaıynda QR AShM Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet Feısbýktegi paraqshasynda jazdy, dep habarlaıdy QazAqparat tilshisi.
«2018 jyldyń 14 mamyrynda saǵat shamamen 17:00-der kezinde «Ohotzooprom» ÓB» RMQK batys aımaqtyq fılıalynyń ınspektorlary reıd júrgizý kezinde BQO Jánibek aýdany Qamysty aýylynan 15 shaqyrym jerde (RF shekarasyna jaqyn) memlekettik nómirsiz jáne qujatsyz júrgen «ChS-MOTO» kvadratsıklin mingen adamdy ustaǵan. Tekserý kezinde shekara qyzmetiniń kapıtan shenindegi shekaralyq ýchaske qyzmetshisi, kvadrotsıkl júrgizýshisi E.M-dan kıiktiń 12 dana múıizi, qarýdyń cheholy, balta, qarýmen atylǵan erkek kıiktiń múıizimen birge denesi tabyldy», - delingen habarlamada.
Oqıǵa ornyna Jánibek aýdanynyń ІІB qyzmetkerleri shaqyrylǵan. Atalǵan fakt QR QK-niń 339-baby boıynsha tirkeldi.
«Qazirgi ýaqytta polıtsııa qyzmetkerlerimen birge kıikti zańsyz aýlaý faktisine qatysty zattaı dálelderdi izdeý jumystary júrgizilip jatyr», - dep habarlaıdy Sáken Dildahmet.
