BQO-da kenishke taıaý ornalasqan eldi meken turǵyndary kóshiriledi
ORAL. KAZINFORM — Batys Qazaqstan oblysy Báıterek aýdany Petrov eldi mekeninde 16 otbasy turyp jatyr.
Báıterek aýdanynyń ákimi Marat Toǵjanovtyń málim etkenindeı, atalǵan eldi meken ıAnvartsev aýyldyq okrýgine qaraıdy.
Petrov aýyly munaı men gaz óndiretin Rojkovskoe ken ornyna jaqyn ornalasqan. Sanıtarlyq qorǵaý aımaǵyna kirmese de, eldi meken turǵyndary qonys aýdarý jóninde ótinish bildirgen. Soǵan sáıkes sheshim qabyldanǵan.
— Petrovtaǵy 16 otbasynyń bireýi ǵana kóp balaly. Olardy ıAnvartsev aýylyna kóshirý úshin 320-330 mln teńge qajet. Shyǵynnyń bárin eseptep, soǵan sáıkes qarjy kózi izdestiriletin bolady, — dedi M.Toǵjanov.
Atalmysh eldi mekende bastaýysh mektep jumys isteıdi.
Eske sala keteıik, budan buryn BQO-da Berezov aýyly turǵyndary túgeldeı kóshirilgenin jazǵan bolatynbyz.