BQO-da «Kazstroıservıs» AQ ǵımaraty órtendi
ORAL. QazAqparat - 6 qańtar kúni 23 saǵat 28 mınýtta BQO TJ departamenti órt sóndirý jáne apattyq-qutqarý qyzmeti №21 órt sóndirý bóliminiń baılanys pýnktine Zelenov aýdany ıAnvartsev aýyldyq okrýgine qarasty Chınarev kentinde «Kazstroıservıs» AQ-nyń bir qabatty ákimshilik-turmystyq kesheni ǵımaraty órtenip jatqany jóninde habar túsken.
BQO TJ departamenti órt sóndirý jáne apattyq-qutqarý jumystary qyzmetiniń baspasóz qyzmetinen túsken málimetke qaraǵanda, tilsiz jaýdy aýyzdyqtaýǵa «Semser-Órt sóndirýshi» mekemesinen 3 tehnıka men 19 adam qatysty. Órttiń 7 qańtar kúngi saǵat 00.07-de beti qaıtarylyp, 02.25-te tolyqtaı sóndirildi. Órt aýmaǵy 90 sharshy metrdi qurady.
Órttiń shyǵý sebebi, keltirilgen shyǵyn jáne kináli adamdar anyqtalýda.
FOTO: Ýralskaıa nedelıa
