BQO-da qazan aıynda 1500-ge jýyq adam koronavırýs juqtyrǵan

ORAL. QazAqparat – Batys Qazaqstan oblysynda qazan aıynda 1487 adam koronavırýs juqtyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, sonyń 57 paıyzy (843) JRVI belgilerimen tekserilgen kezde anyqtaldy.

Sondaı-aq 24 paıyzy (351) buryn aýyrǵandarmen baılanysta bolsa, 18 paıyzynan (277) profılaktıkalyq maqsatta, 1 paıyzynan (16) statsıonarǵa jatqyzar aldynda synama alynǵan.

KVI 41-60 jastaǵylar (369) arasynda kóbirek ushyrasyp otyr.

Sońǵy tórt kúnde óńirde 173 adamnan indet tabylsa, sonyń 90-y Oral qalasy, 27-si Báıterek, 20-sy Bórli aýdanynyń úlesine tıedi.

Pandemııa bastalǵannan beri aýyrǵan 38 959 naýqastyń 32 774-i saýyǵyp shyqty. 817-si ómirden ozdy.

Sonyń ishinde 19 510-y Oral qalasynda, 5227-si Báıterek, 4719-y Bórli, 1791-i Terekti, 1419-y Aqjaıyq aýdanynda tirkelgen.

Departament málimetine qaraǵanda, qazan aıynda memlekettik shekaradan anyqtamasyz ótken 1277 jolaýshynyń úsheýinen, 2081 júrgizýshiniń beseýinen koronavırýs tabyldy.

Oblysta 66 egý kabıneti jumys isteýde. Búginge deıin 237 253 adam vaktsınanyń birinshi, 215 533-i ekinshi komponentimen egildi.

Eske sala keteıik, budan buryn BQO-da birinshi toqsanda 780 oqýshydan koronavırýs anyqtalǵanyn jazǵan bolatynbyz.