BQO-da qaıtarylǵan aktıvter esebinen sýmen qamtý nysandary salyndy

ORAL. KAZINFORM — Memleket basshysynyń halyqty sapaly aýyz sýmen qamtamasyz etý jónindegi tapsyrmasyna sáıkes Batys Qazaqstan oblysy Qaratóbe aýdanynda qaıtarylǵan qarajat esebinen birneshe joba júzege asyrylyp jatyr.

BQO prokýratýrasynyń baspasóz qyzmetinen málim etkenindeı, Alakól eldi mekeninde aýylishilik sý qubyrynyń qurylysy aıaqtaldy.

Tartylǵan sý qubyrynyń jalpy uzyndyǵy – 4 kılometr. Jobany júzege asyrý aýdannyń 700-den astam turǵynyna sapaly aýyz sýǵa qol jetkizýine múmkindik berdi.

- Budan bólek, Qaratóbe aýdanynyń Tólen, Sáýle, Qaraqamys eldi mekenderine jańa tarmaqty tóseý arqyly sýmen qamtýdyń uzyndyǵy 64 shaqyrym magıstraldyq júıeleriniń qurylysy júrip jatyr. Atalmysh áleýmettik joba taǵy 9 myń turǵyndy aýyz sýmen qamtamasyz etedi, bul olardyń ómir súrý sapasyn aıtarlyqtaı jaqsartady. Qaıtarylǵan aktıvter esebinen qarjylandyrylatyn áleýmettik nysandardyń qurylysy Batys Qazaqstan oblysy prokýratýrasynyń baqylaýynda, - dep habarlady vedomstvodan.

Eske sala keteıik, budan buryn BQO-da sońǵy úsh jylda elýden asttam medıtsınalyq nysan boı kótergenin jazǵan edik.