BQO-da qaıtarylǵan aktıvter esebinen sý qubyry nysandary iske qosyldy

ORAL.KAZINFORM – Memleket basshysynyń halyqty sapaly aýyz sýmen qamtamasyz etý jónindegi tapsyrmalaryn oryndaý sheńberinde Batys Qazaqstan oblysy Qaratóbe aýdanynda prokýratýra organdary qaıtarǵan qarajat esebinen sýmen jabdyqtaý obektileriniń qurylysy boıynsha jobalar iske asyrylyp jatyr.

Qazirgi ýaqytta Qaratóbe aýdanynyń Alakól eldi mekenine kentishilik sý qubyrynyń qurylysy aıaqtaldy.

BQO prokýratýrasy málimetinshe, salynǵan sý qubyrynyń jalpy uzyndyǵy 4 kılometr. Jobany júzege asyrý aýdannyń 700-den astam turǵynyna sapaly aýyz sýǵa qol jetkizýge múmkindik berdi.

Odan bólek, Qaratóbe aýdanynyń Tólen, Sáýle, Qaraqamys eldi mekenderine uzyndyǵy 64 shaqyrym jańa tarmaqty tóseý arqyly sýmen jabdyqtaýdyń magıstraldyq júıeleriniń qurylysy jalǵasyp jatyr.

Aıta keteıik, Pavlodar áýejaıy qaıtarylǵan aktıvter esebinen rekonstrýktsııalanady.

Qaıtarylǵan aktıvter esebinen Jetisý oblysynyń turǵyndary aýyzsýmen qamtamasyz etildi.

Petropavlda qaıtarylǵan aktıvter esebinen zamanaýı balabaqsha ashyldy.