BQO-da qatty jeldiń saldarynan úsh aýyl jaryqsyz qaldy - TJM
ASTANA. Qańtardyń 13-i. QazAqparat - Batys Qazaqstan oblysy Tasqaly aýdanynda qatty jeldiń saldarynan elektr jelisi isten shyǵyp, úsh aýyl jaryqsyz qaldy,
dep habarlady QR TJM-nyń baspasóz qyzmeti.
Vedomstvonyń aqparaty boıynsha, qańtardyń 12-si, saǵat 17.00-de ońtústik-shyǵystan sekýndyna 15-20 metr jyldamdyqpen soqqan jeldiń kúsheıýi (qardyń mol jaýýy, burqasyn) saldarynan elektr jelileriniń tómengi jáne joǵary qýatty ýchaskeleri zaqymdandy, sondaı-aq Krýtaıa, Vavılına aýyldary men Semıglavyı Mar stansysyndaǵy «Kamenka-Ozınka» 110 kV-tyq joǵary qýatty jeli óshirildi.
Baspasóz qyzmetiniń málimdeýinshe, qurban bolǵandar men zardap shekkender joq. Tótenshe jaǵdaıdy joıý jumystaryna BQO apattyq brıgadasynyń 37 adamy men 15 tehnıkasy jumyldyryldy.
