BQO-da qatty jelden monshanyń shatyry ushyp ketti
ORAL. QazAqparat - Batys Qazaqstan oblysynda qatty jelden monshanyń shatyry ushyp ketti, dep habarlaıdy «QazAqparat» tilshisi.
Qaratóbe aýdandyq TJ bóliminiń bas mamany, azamattyq qorǵaý podpolkovnıgi Mels Ysqaqovtyń aıtýynsha, keshe saǵat 20.45 shamasynda aýdan ortalyǵy Qaratóbe aýylynda Q.Jumalıev kóshesindegi jeke monshanyń shatyry ushqan.
Monshanyń tóbesinen qulaǵan qurylys materıaldarynyń (qańyltyr, aǵash) jalpy kólemi - 143 sharshy metr. Abyroı bolǵanda, eshkim zardap shekken joq.
Aıta keteıik, óńirde jeldiń kúsheıetini jóninde BQO TJ departamenti eskertý jarııalaǵan bolatyn.
