BQO-da qatty jelden kóldiń ortasyna ketip qalǵan eki balyqshy qutqaryldy
ORAL. QazAqparat – Batys Qazaqstan oblysynda qatty jelden kólde yǵyp ketken eki balyqshy qutqaryldy, dep habarlaıdy QazAqparat tilshisi.
BQO tótenshe jaǵdaılar departamentiniń baspasóz qyzmeti málim etkendeı, oqıǵa 7 qarasha kúni Terekti aýdanyndaǵy Shalqar kólinde boldy.
Eki balyqshy qatty jeldiń áserinen jaǵadan alty shaqyrymdaı jerge, kóldiń ortasyna ketip qalǵan.
Qutqarýshylar bir júzý quraly jáne tehnıkanyń kómegimen saǵat 16.15-te balyqshylardy jaǵaǵa alyp shyqty.
BQO TJ departamenti sýda qaýipsizdik erejelerin saqtaýǵa shaqyrady. Kóp uzamaı ózen, kólderde muz qatady. Juqa muz da qaýipti. Sondyqtan saq bolý kerek.
Eske sala keteıik, budan buryn BQO-da tuman túsip, jel kúsheıetinin jazǵan bolatynbyz.
