BQO-da qatty jel soǵyp, burshaq jaýady
ORAL. QazAqparat - «Qazgıdromet» RMK BQO fılıalynyń málimeti boıynsha 12 shilde kúni kúshti jel turyp, naızaǵaı oınaıdy, dep habarlaıdy QazAqparat tilshisi.
Soltústikten soǵatyn jeldiń jyldamdyǵy keı jerlerde sekýndyna 15-20 metrge deıin jetedi.
Burshaq jaýýy da yqtımal.
Oblys ortalyǵy Oralda da naızaǵaı oınap, jel turady, ekpini sekýndyna 18 metrge jetýi múmkin.
Osyǵan baılanysty BQO TJ departamenti tótenshe jaǵdaılardy boldyrmaý maqsatynda eskertý jarııalap, tıisti sharalardyń alynyp jatqandyǵyn habarlady. Táýlik boıy kezekshilik uıymdastyrylyp, kúsh-quraldar daıyndyqqa keltirildi.
Eske sala keteıik, budan buryn óńirde jel mekteptiń shatyryn julyp áketkenin jazǵan bolatynbyz.
