BQO-da qatty boranǵa baılanysty jol jabyldy
ORAL. QazAqparat - Batys Qazaqstan oblysynda qatty boranǵa baılanysty jol jabyldy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, jergilikti saǵat 21.30-dan bastap respýblıkalyq mańyzy bar «Oral-Tasqala-RF» shekarasy jolynda barlyq kólik túrleri úshin qozǵalysqa shekteý qoıyldy.
Bul mańda jeldiń jyldamdyǵy sekýndyna 20 metrge deıin jetken. Osyǵan oraı turǵyndarǵa eskertý jiberilýde.
Eske sala keteıik, budan buryn BQO-da boranǵa baılanysty jol jabylǵanyn, alpystan astam avtokóliktiń qar qursaýynan shyǵarylǵanyn jazǵan bolatynbyz.
18 aqpannan 19-yna qaraǵan túni oblysta barlyq joldar jabyldy. Keıbir eldi mekenderde jaryq ta jıi-jıi sóndi.
