BQO-da qaterli isikpen aýyratyn adamdardyń quqyǵy buzylǵan

ORAL. KAZINFORM – Batys Qazaqstan oblysynda onkologııalyq aýrýǵa shaldyqqan azamattardyń quqyǵy buzylǵany belgili boldy.

BQO prokýratýrasynyń baspasóz qyzmetinen túsken málimetke qaraǵanda, atalǵan máselege qatysty taldaý júrgizilgen.

Nátıjesinde QR Premer-Mınıstriniń orynbasary – Eńbek jáne halyqty áleýmettik qorǵaý mınıstriniń 2023 jylǵy 29 maýsymdaǵy № 260 buıryǵymen bekitilgen medıtsınalyq-áleýmettik saraptamany júrgizý qaǵıdalarynyń buzylǵany anyqtaldy.

«Atap aıtqanda, medıtsına uıymdary pallıatıvtik kómek alatyn onkologııalyq aýrýmen syrqattanatyn adamdardy múgedektik tobyn anyqtaý úshin medıtsınalyq-áleýmettik saraptamaǵa jibermegen. Qazirgi kezde prokýrorlyq qadaǵalaý aktisi boıynsha sharalar alynyp, medıtsına uıymdary 7 azamatty medıtsınalyq-áleýmettik saraptamaǵa jiberý úshin materıal ázirleýde. Buzýshylyqqa jol bergeni úshin sharýashylyq júrgizý quqyǵyndaǵy «Oblystyq onkologııalyq dıspanser» KMK-nyń bólimshe meńgerýshisi tártiptik jaýapkershilikke tartyldy», dep habarlady vedomstvodan.

Eske sala keteıik, budan buryn Batys Qazaqstanda onkolog mamandardyń jetispeıtinin jazǵan edik.