BQO-da kásipkerlik qyzmetine zańsyz aralasqan departament basshysy jaýapqa tartyldy

ORAL. KAZINFORM – BQO tehnıkalyq retteý jáne metrologııa departamentiniń basshysy ákimshilik jaýapkershilikke tartyldy.

BQO prokýratýrasynyń baspasóz qyzmetinen málim etkenindeı, departament tehnıkalyq erejelerdi buzǵany úshin «Oral sút zaýyty» JShS-nyń deklaratsııasyn 1 aı merzimge toqtata turý týraly buıryq shyǵarǵan.

Taldaý barysynda atalǵan buıryqtyń qoldanystaǵy zańnamany buza otyryp shyǵarylǵany jáne kásipkerdiń qyzmetin shekteıtini anyqtaldy. 

Atap aıtqanda, departament gendik túrlendirilgen organızmder arqyly alynǵan komponentterdiń taǵamdyq ónimderinde bolýy týraly aqparatty kórsetý qajettiligin kórsetken. Alaıda azyq-túlik ónimderiniń erekshe belgilerin tańbalaý tek erikti túrde kórsetiledi. 

— Oblystyq prokýratýranyń narazylyǵy boıynsha departament buıryǵynyń kúshi joıyldy. Kásipkerlik qyzmetke zańsyz aralasqany úshin departament basshysy Ákimshilik quqyq buzýshylyq týraly kodeksiniń 173-babyna sáıkes jaýapqa tartylyp, oǵan 196,6 myń teńge aıyppul salyndy. Osylaısha, kásipker quqyǵy qalpyna keltirildi, — dep habarlady vedomstvodan.

Eske sala keteıik, budan buryn BQO-da demeýshilik qarajattyń jumsalýyna baılanysty qylmystyq is qozǵalǵanyn jazǵan bolatynbyz.