BQO-da káriz-sorǵy stansasy iske qosyldy
ORAL. KAZINFORM — Batys Qazaqstan oblysynda ınjenerlik ınfraqurylymdy jańǵyrtý jónindegi Prezıdent tapsyrmalary júıeli oryndalyp keledi.
Keıingi 3 jylda sý burý júıesiniń úzdiksiz qyzmetin uıymdastyrý maqsatynda naqty ister atqaryldy. Máselen, búgin 150 myń tutynýshyny qamtıtyn № 18A káriz-sorǵy stansasy qaıta jańǵyrtýdan soń iske qosyldy. Saltanatty rásimge aımaq basshysy Narıman Tóreǵalıev qatysty.
2023 jyly jasaqtalǵan jol kartasyna sáıkes Oral qalasynda negizgi júktemeni kóteretin 8 iri stansany jóndeý josparlansa, sonyń altaýy jańǵyrtyldy. № 1 jáne № 29 káriz-sorǵy stansalaryn jóndeý jumystary jyl sońyna deıin aıaqtalady. Atalǵan 8 jobaǵa bıýdjetten 12,3 mlrd teńge qarjy qarastyryldy. Nátıjesinde káriz júıesiniń tozý deńgeıi 63 paıyzdan 55 paıyzǵa túsedi. 366 myńnan astam tutynýshy turaqty sý burý qyzmetimen qamtylady.
Oblys ákimi jańa nysannyń áleýeti jáne jumysshylarǵa jasalǵan jaǵdaımen tanysty. Narıman Tóreǵalıev qýaty tómen, kishi sorǵy stansalary da kezeń-kezeńimen jóndeletinin jetkizdi.
