BQO-da qarý tapsyrǵandarǵa 8 mln teńge tólendi
ORAL. QazAqparat - Búgin «KazArmaProm» JShS peshinde 137 dana qarý balqytyldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, mundaı shara toqsan saıyn ótkizilip keledi.
Departament bastyǵynyń orynbasary, polıtsııa polkovnıgi Baǵdar Ábýovtyń tóraǵalyq etýimen arnaıy qurylǵan komıssııa barlyǵyn tekserip, sodan keıin qapqa salynǵan qarý peshke tastaldy. Sonyń ishinde 104 dana tegis uńǵyly ańshylyq qarý, 10 gazdy tapansha, 8 travmatıkalyq qarý, 7 pnevmatıkalyq tapansha, 2 sholaq myltyq, 6 zattaı aıǵaq balqytyldy. Sondaı-aq 13 elektrshoker, 3 tetik, 1 kastet, 9 pyshaq pen 1 balta joıyldy.
Munyń bári - tárkilengen jáne turǵyndar óz erkimen tapsyrǵan qarýlar.
Aıta keteıik, bıyl qarý tapsyrǵan turǵyndarǵa 8 mln teńge tólendi.
