BQO-da qarasora ósirip, esirtki saqtaǵandar sottaldy
ORAL. QazAqparat - Zelenov aýdandyq №2 sotynyń úkimimen qarasorany zańsyz ósirip, esirtki saqtaǵan tórt birdeı turǵyn sottaldy.
BQO sotynyń baspasóz qyzmetinen túsken málimetke qaraǵanda, ıÝ.Plotnıkov, G.Joldyqaıyrov, D.Arhıptsov, P.Azanov aldyn ala sóz baılasyp, ótken jyldyń jazynda Zelenov aýdany Krasnoarmeıskoe aýylynan segiz shaqyrym jerdegi orman alqabynda quramynda esirtki zaty bar qarasora ósirip, jınaýmen aınalysqan. Ustalǵan kezde olardan ózderi tutyný úshin saqtaǵan asa iri kólemdegi 7926,04 gramm keptirilmegen marıhýana tabyldy. Sonymen qatar oqıǵa ornyn qaraǵan kezde esirtki zattaryna jatatyn 1440 qarasora butasy tárkilendi.
Sot úkimimen ıÝ.Plotnıkov 1997 jylǵy redaktsııadaǵy QR QK 262-baby 2-bóligi «a, v» tarmaqtary, jańa redaktsııadaǵy QR QK 287-baby 1-bóligi, QR QK 58-baby 3-bóligi boıynsha aıypty dep tanylyp, alty jylǵa bas bostandyǵynan aıyryldy.
Qalǵan úsheýine 1997 jylǵy redaktsııadaǵy QR QK 262-baby 2-bóligi «a, v» tarmaqtary, 259-baby 1-1-bóligi, QR QK 58-baby 3-bóligi boıynsha bes jyl bas bostandyǵynan aıyrý jazasyn jalpy tártiptegi túzetý kolonııasynda óteý belgilendi. Soǵan qosa ıÝ.Plotnıkov, P.Azanov, D.Arhıptsov májbúrli túrde nashaqorlyqtan emdeletin bolady.
Sot úkimi zańdy kúshine engen joq.
