BQO-da Qarashyǵanaq kenishinde 41 adamnan koronavırýs anyqtaldy

ORAL. QazAqparat – Jyl basynan beri Qarashyǵanaq kenishinde «QPO b.v.» kompanııasynda jumys jasaıtyn 41 adamnan koronavırýs anyqtaldy, dep habarlaıdy QazAqparat tilshisi.

BQO densaýlyq saqtaý basqarmasynyń baspasóz qyzmeti málim etkenindeı, olardyń 15-inen jumysqa kiriser kezde, 10-ynan vahtalyq aýysym bitkennen keıin 16-synan jumystan tys ýaqytta medıtsınalyq kómekke júgingende indet tabyldy.

Sondaı-aq Chınarev kenishindegi «Jaıyqmunaı» JShS-nyń 33 jumysshy-qyzmetkeriniń koronavırýs juqtyrǵany belgili boldy.

Oblysta osy kezge deıin 12769 adam dertke shaldyǵyp, sonyń 10283-i saýyǵyp shyqty.

Sońǵy táýlikte 82, bir aptada 440 adamnan juqpaly indet shyqty.

Kúni búgin ınvazıvti emes jasandy tynys alý apparatyna 7, ottegi kontsentratoryna 7, ortalyqtandyrylǵan ottegi kózine 63 adam qosylǵan.

Óńirdegi 7 ınfektsııalyq aýrýhanada 270, 4 karantındik statsıonarda 4 adam emdelýde. 19 adam jansaqtaý bóliminde jatyr.

Bıyl otbasy múshelerinen aýrý juqtyrǵan 261 baladan koronavırýs tabyldy. Oqý jyly bastalǵannan beri aýyrǵan balalar sany 466-ǵa jetti.

Eske sala keteıik, budan buryn BQO-da ıývenaldyq sottyń karantınge jabylǵanyn jazǵan bolatynbyz.