BQO-da qarasha aıynda 460-qa jýyq adamnan koronavırýs anyqtaldy
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń málim etkenindeı, sonyń 51 paıyzy (234) JRVI belgilerimen tekserilgen kezde belgili boldy.
Sondaı-aq 27 paıyzy (125-i) profılaktıkalyq maqsatta qaralsa, 20 paıyzy (94) buryn aýyrǵandarmen qarym-qatynasta bolǵan. Al 2 paıyzynan (6) statsıonarǵa jatqyzar aldynda synama alynǵan.
Sońǵy aptada (9-15 qarasha) aldyńǵymen (2-8 qarasha) salystyrǵanda, aýrý juqtyrý kórsetkishi 23,5 paıyzǵa (255-ten 195-ke) azaıdy.
Qarasha aıynda 15 656 PTR zertteý (orta eseppen kúnine 1043) júrgizildi.
Osy aıda 59 oqýshy men 9 muǵalimnen, sondaı-aq arnaýly orta oqý ornynda 6, JOO-da 6 stýdentten indet anyqtaldy.
«Oblys boıynsha 1-15 qarasha aralyǵynda «Ashyq» jobasy aıasynda 51 adamnyń karantın talabyn buzǵany belgili boldy. Sonyń 44-i – «qyzyl», jeteýi – «sary» mártebesi bar adamdar. Karantın talabyn buzǵandarǵa qatysty 831 345 myń teńgege 19 ákimshilik hattama toltyryldy. Monıtorıngtik toptar da óz jumysyn jalǵastyrýda. «Maqpal», «Naryn» jáne «Gold» meıramhanalary boıynsha úılestirý ortalyǵynyn shuǵyl habar kelip tústi. Sony qaraý nátıjesinde 400 myńnan astam teńgege 3 ákimshilik hattama toltyryldy. Betperde rejımin buzǵandarǵa da tıisti shara alynýda», dedi N.Mustaev.
Eske sala keteıik, budan buryn Batys Qazaqstanda sońǵy aptada 6 adamnyń koronavırýstan kóz jumǵanyn jazǵan bolatynbyz.