BQO-da qarasha aıynda 355 adam koronavırýstan emdelip shyqty
ORAL. QazAqparat – Batys Qazaqstan oblysynda qarasha aıynda 355 adam koronavırýstan emdelip shyqty, dep habarlaıdy QazAqparat tilshisi.
BQO densaýlyq saqtaý basqarmasy basshysynyń orynbasary Gúlnár Ábdirahmanovanyń óńirlik kommýnıkatsııalar qyzmeti alańynda ótken brıfıngide málim etkenindeı, oblysta osy kezge deıin 7 912 adam indet juqtyrdy. Kúni búgin sonyń 7 188-i nemese 90,8 paıyzy jazylyp shyqty. Osynyń 3 329-y statsıonarda emdelse, 3859-y ambýlatorııada qabyldady.
Іndet saldarynan 131 adam kóz jumdy.
G.Ábdirahmanovanyń sózine qaraǵanda, qazirgi tańda 185 tósektik 4 karantın statsıonarynda 46 adam jatyr. Al 359 tósektik 7 ınfektsııalyq statsıonarda 126 adam emdelýde.
Sonyń ishinde 10-y jansaqtaý bólimshesinde. Bulardyń ekeýi 40 pen 60, altaýy 60 pen 80 jas aralyǵyndaǵylar bolsa, qalǵan ekeýi – seksennen asqandar. Báriniń de qosymsha sozylmaly syrqattary bar, 9-y júrek-qan tamyrlary, bireýi qant dıabetine shaldyqqan.
Sol sekildi ınvazıvti emes ókpeni jasandy jeldetý apparatyna 5, ottegi kontsentratoryna 9 naýqas qosylǵan.
«Jalpy, oblys boıynsha medıtsınalyq uıymdar 195 ókpeni jasandy jeldetý apparaty, 645 ottegi kontsentratory, 1 063 oksımetr, 198 ottegi kózi, 425 Bobrov apparatymen qamtamasyz etilgen. 7 tsıfrlyq rentgen apparaty satyp alynyp, kovıdti pnevmonııany dıagnostıkalaý úshin aýdandyq aýrýhanalarǵa jetkizildi», dedi G.Ábdirahmanova.
Eske sala keteıik, budan buryn BQO-da qarasha aıynda 100-den astam nysannyń sanıtarlyq talapty buzǵanyn jazǵan bolatynbyz.
