BQO-da qarasha aıy bastalǵannan beri 50-ge jýyq oqýshydan koronavırýs anyqtaldy
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda ótken brıfıngide málim etkenindeı, olardyń bári de úı ishindegi buryn aýyrǵandarmen baılanysta bolǵan.
Sonymen qatar arnaýly orta oqý oryndarynda 4, JOO-da 4 stýdentten indet tabyldy.
N.Mustaevtyń sózine qaraǵanda, 1 qarashadan beri barlyǵy 364 naýqas tirkelse, sonyń 186-sy (51 paıyzy) JRVI belgilerimen tekserilgen. 93-inen (26 paıyzy) profılaktıkalyq maqsatta synama alynǵan. 77-si (21 paıyzy) buryn syrqattanǵandarmen qarym-qatynasta bolǵan. 8-i (2 paıyzy) epıdemıologııalyq qadaǵalaý maqsatynda qaralǵan.
Aýyrǵandardyń ishinde 55-i – 14 jasqa deıingiler, 8-i – 15-17, 18-i – 18-25, 76-sy – 26-40, 94-i – 41-60 jas aralyǵyndaǵylar, 113-i – alpystan asqandar. ıAǵnı alpystan asqandar indetke kóbirek ilinip otyr.
«Sońǵy aptada monıtorıngtik toptar 60 reıd júrgizip, 629 nysandy qamtydy. Sonyń ishinde 9 nysannyń karantın talabyn buzǵandyǵy anyqtaldy. Sondaı-aq «Ashyq« qosymshasy boıynsha 31 adamnyń úılerinde oqshaýlanbaǵany belgili boldy. Bulardyń 27-si – «qyzyl», tórteýi – «sary» mártebesi bar adamdar. 10 maýsymnan beri karantın talabyn buzǵandarǵa qatysty QR Ákimshilik quqyqbuzýshylyq kodeksi 425-baby 1-bóligine sáıkes 164 hattama toltyrylyp, 7 mln 146,650 myń teńge aıyppul salyndy», dedi N.Mustaev.
Jyl basynan beri zerthanalyq rastalǵan 30 102 naýqastyń 48 paıyzy (14 507) Oral qalasynda, 15 paıyzy (4467) Báıterek, 13 paıyzy (3742) Bórli aýdanynda tirkeldi.
Sońǵy aptada (5-11 qarasha) aldyńǵymen (29 qazan – 4 qarasha) salystyrǵanda, koronavırýs juqtyrý kórsetkishi 26,5 paıyzǵa (282-den 207-ge) kemidi.
Eske sala keteıik, budan buryn Batys Qazaqstanda 241 myńǵa jýyq adamnyń koronavırýsqa qarsy vaktsına alǵanyn jazǵan bolatynbyz.