BQO-da karantın talabyn buzǵandarǵa 5 mln teńge aıyppul salyndy
BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaev óńirlik kommýnıkatsııalar alańynda ótken brıfıngide málim etkendeı, monıtorıng toptary QR jáne oblystyń bas memlekettik sanıtar dárigerleriniń qaýlysyna sáıkes sanıtarlyq-dezınfektsııalyq rejım talaptaryn buzýdyń jolyn kesý baǵytynda jumysyn jalǵastyrýda.
Monıtorıng toptary 916 reıd júrgizip, 7925 nysan qamtyldy.
Sonyń nátıjesinde 25 nysanda karantın tártibin buzýshylyq anyqtaldy. 79 hattama toltyrylyp, 5 mln 90,165 myń teńge aıyppul salyndy.
Muhamǵalı Qaıyrjanulynyń sózine qaraǵanda, 1 qańtar – 18 aqpan aralyǵynda 3191 adamnyń koronavırýs juqtyrǵany tirkeldi.
Osy aıda 1354 adamnan COVID-19 anyqtaldy. Naýqastarmen qarym-qatynasta bolǵan 1990 adam medıtsınalyq baqylaýǵa alyndy.
Sońǵy aptada (12-18 aqpan) ótken aptamen (5-11 aqpan) salystyrǵanda, indet juqtyrý kórsetkishiniń 15,7 paıyzǵa (552-den 465-ke) tómendegeni baıqalady.
Syrqattanǵandardyń 433-i (31,9 paıyzy) jumys isteıtinder bolsa, 364-i (26,8 paıyzy) – zeınetkerler, 313-i (23,1 paıyzy) – jumyssyzdar, 98-i (7,2 paıyzy) – oqýshylar, 41-i (3 paıyzy) – muǵalimder, 34-i (2,5 paıyzy) – medıtsına qyzmetkerleri, 26-sy (1,9 paıyzy) – stýdentter.
«Oblysta oqý jyly bastalǵannan beri mektepte dástúrli túrde oqıtyn 212, qashyqtan bilim alatyn 209, barlyǵy 421 oqýshydan kovıd tabyldy. Úshinshi toqsanda 11 qańtardan bastap 207 oqýshy (114-i dástúrli túrde, 93-i qashyqtan bilim alady) koronavırýs juqtyrdy. 12-18 aqpan aralyǵynda qala men aýdandardyń bas memlekettik sanıtar dárigerleriniń qaýlysyna sáıkes 4 mektep karantınge jabyldy», dedi M.Aryspaev.
Іndettiń taralýyna tosqaýyl qoıý maqsatynda Shyńǵyrlaý aýdanynda 16 aqpan – 1 naýryz, Jánibekte 19 aqpan – 5 naýryz aralyǵynda qosymsha shekteý sharalary engizildi.
Eske sala keteıik, budan buryn Batys Qazaqstanda 35 muǵalimnen koronavırýs anyqtalǵanyn, Oralda bir kúnde 50 adamnan indet tabylǵanyn jazǵan bolatynbyz.