BQO-da karantın talabyn buzǵandarǵa 3 mln teńgeden astam aıyppul salyndy
ORAL. QazAqparat – Batys Qazaqstan oblysynda karantın talabyn buzǵandarǵa 3 mln teńgeden astam aıyppul salyndy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmeti málim etkenindeı, jyl basynan beri monıtorıng toptary 25 nysannyń shekteý sharalaryn buzǵandyǵyn anyqtady.
QR Ákimshilik quqyqbuzýshylyq kodeksi 425-baby 1-bóligine sáıkes 64 hattama toltyrylyp, 3 mln astam teńge kóleminde aıyppul salyndy. Sonyń ishinde kópshilikpen ótkizilgen 15 is-shara, betperde kııý talabyn, araqashyqtyqty saqtamaýdyń 19, jumys rejımin buzýdyń 19, saǵat 00.00-den keıin jeke kólikpen júrýdiń 11 deregi tirkeldi.
Qazirgi ýaqytta bul baǵyttaǵy jumystar jalǵasýda.
Oblysta sońǵy úsh táýlikte 222 adamnyń koronavırýs juqtyrǵany anyqtalsa, sonyń basym kópshiligi nemese 166-sy Oral qalasynyń úlesine tıedi. Sondaı-aq sońǵy úsh kúnde Báıterek aýdanynda 15, Tasqalada 13, Jánibekte 7, Terektide 6 adamnyń aýyrǵany belgili boldy.
Óńirde osy kezge deıin 11872 adam dertke shaldyqsa, sonyń 9506-sy jazylyp shyqty.
Eske sala keteıik, budan buryn BQO-da oqýshylar men muǵalimder arasynda koronavırýs juqtyrý kóbeıip ketip otyrǵanyn, Oralda toı saraıy balalar shyǵarmashylyǵy ortalyǵyna aınalǵanyn jazǵan bolatynbyz.
